3.మిథునరాశి ఫలితములు

మృగశిర 3,4 పాదములు, ఆరుద్ర 1,2,3,4 పాదములు, పునర్వసు 1,2,3 పాదములు

         ఆదాయ - 14                            వ్యయం - 11

         రాజపూజ్యం - 7                         అవమానం - 7

         ఈ రాశివారికి 2016 ఆగస్ట్ 11 వరకు గురుడు 3ట సువర్ణమూర్తి, తదుపరి 4ట వత్సరమంతయూ సువర్ణమూర్తి. శని సంవత్సరాది నుండి 2017 జనవరి 26 వరకు 6ట రజిత మూర్తిగానూ, తదుపరి 7ట వత్సరమంతయూ తామ్రమూర్తి. రాహువు 3ట కేతువు 9ట లోహమూర్తులు.2016 ఆగస్ట్ 11 వరకు గురుడు తృతీయరాశి యందు సువర్ణమూర్తి. తదుపరి వత్సరాంతము వరకు చతుర్థ కేంద్రరాశి యందు సంచరించును.

         వీరికి సంవత్సరమంతయూ గురుబలం లేకపోగా ఉపచయ స్థానములందున్న శని, రాహువుల వలన కొంతవరకు మేలు మాత్రము జరుగును. ఆగస్ట్ ప్రాంతమున స్థానచలన సూచనలు. మానసిక ఆందోళనలు, ధనవ్యయమే, అయిననూ ధనమునకు లోటురాదు. తలచిన కార్యములు మాత్రములు జరుగును. సంవత్సర పూర్వార్థము కంటే  భూగృహ నిర్మాణములు ఆగస్ట్ తదుపరి  కలసివచ్చును.

         తృతీయ స్థానమందలి గురుడు సంచారముచే అతిశ్రమ, బంధుజనులతో విరోధమున్నూ, శరీరబాధ, ఉద్యోగ కార్యము చెడుట, ఇతరులతో జగడము మొ।। ఫలితములు. వీరికి  సంవత్సర ప్రారంభమందు మాత్రమే కలుగును. బుద్ధి చాంచల్యముస్థానాంతరములు, ధనవ్యయము,తేజస్సు నశించుట, ధనము కొరకు ఇతరులను యాచించుట, అయిననూ తిరిగి లాభము పొంది ఋణమును తీర్చగలరు. షష్ఠరాశి గతౌశనీ ధన ధాన్యాభివృద్ధించ బంధు  సంతోషవర్థనం యనుటచే ధనధాన్యములు వృద్ధినొందుట, బంధువులకు సంతోషము కలిగించుట, స్త్రీ సౌఖ్యము, ఇల్లు కట్టుట మొదలగు శుభఫలములు శనీశ్వరుని షష్ఠస్థాన స్థితిచే తెలియనగునది.

         2017 సంవత్సర ప్రారంభమున శనీశ్వరుని సప్తమరాశి సంచారంచే హృదయమున ఆందోళన, దేశాంతర సంచారము, ధన నష్టములు తొలగుటకు ఈశ్వరునికి అభిషేకము చేయుటచే దోషములు తొలగి ఉత్తమ ఫలితములు కలుగును. రాహువు తృతీయ స్థానమున యుండుట వలన మర్యాద హాని జరిగిననూ ముందుకు దూసుకుని పోయే మనస్తత్వము, చురుకుదనము వలన  ధనలాభములు కలుగును.

         శతృవర్గము వల్ల మీ పనులకు ఆటంకము కలిగిననూ మీ నిదానమే మిమ్ములను కాపాడుతుంది. శాంతం, సౌమ్యముతో ఇతరులను గెలిచే స్వభావం. గణితం, కామర్సుఎకౌంట్స్ మొదలగు కోర్సులలో విద్యార్థులు విజయము సాధిస్తారు. ధనమును జూదమునకై వాడరాదు.

         స్పెక్యులేషన్ పనికిరాదు. ఇతరులకు మీరు ఇచ్చిన డబ్బు మీ చేతికి అందటం  ఆలస్యమవుతుంది. ఆరోగ్యము విషయంలో  శ్రద్ధ  అవసరం. శని షష్ఠస్థానగతుడగుటచే అనారోగ్యము. ఋణం చేసి, తీర్చడం ఆలస్యమవుతుంది. గుహ్య అవయవాలలో వ్యాధి అవకాశం, శ్లేష్మ సంబంధ అనారోగ్యం, మిత్రులతో వాగ్వాదం తగదు. గృహమున శుభ సూచనలు, ఆరోగ్యప్రదమైన వాతావరణముఉత్తరార్థములో స్థానచలన సూచన. సోదర వర్గం అనుకూలము. పౌరుషాన్ని ప్రదర్శిస్తారు. అష్టమమందు కేతువు యోగ భంగమే అయిననూ గురుని శుభదృష్టిచే అవరోధములు తొలగును. ఉద్యోగులు పై అధికారుల వలన మాటలు పడుట. ఉపాధ్యాయులకు స్థానచలన సూచనలు. వ్యవసాయదారులకు పంటలు లాభదాయకం. నువ్వులు, తైల, యంత్ర వ్యాపారులకు కొంత మేలు. డయరీ సంస్థలు, పౌల్ట్రీ క్రీడారంగాల వారికి నూతనోత్సాహం. రైస్ మిల్లర్లకు కలిసి వచ్చును. నూతన నిర్మాణాలు, ప్రాజెక్టులు సమర్థవంతముగా పూర్తి చేయగలరు. రాజకీయ నాయకులు జాగరూకతతో వ్యవహరించవలెను.

         ఈ రాశి వారికి అదృష్టసంఖ్య 5.1,3,6,8 తేదీలు. సంఖ్యల, ఆది,గురు, శుక్ర వారములు కలిసిన యోగప్రదములు. వీరు దత్తాత్రేయ పారాయణలు, శ్వత్థ ప్రదక్షిణలు, గురు ఆరాధనలు చేయుటచే దోషములు తొలగును.


 

నెలవారీ ఫలితములు

ఏప్రిల్: ఐశ్వర్యవృద్ధి, ద్రవ్యలాభము, ఇంటియందు నిత్యోత్సవము, కళ్యాణాది శుభకార్యములు, వస్త్ర, ధనధాన్య లాభములు, కీర్తి, ఉత్సాహము, మనస్సుకు  ఉల్లాసము.

మే: పరోపకారము, గృహమున మంగళకరమగు కర్మాచరణము, దైవభక్తి  వ్యాపారాలలో లాభము, కృషి మూలక ధనము, చిట్ఫండ్స్, ఫైనాన్స్ వ్యాపారములో కలిసి వచ్చుట.

జూన్: గృహసౌఖ్యము, ధైర్యము, మనోత్సాహముతో పనిచేయుట నిరంతరం ధనార్జన ప్రవర్తనలో మార్పు, అనాచారము, నీచజనుల సావాసము, కులచారము తప్పుట.

జూలై: చేతి నిండా ధనము, శరీరసౌఖ్యము,ధైర్యము, భూగృహ స్థిరాస్తుల వలన ఆదాయం పెరుగుట, ఆదాయానికి తగిన ఖర్చు, పుత్ర సంతానం అభివృద్ధిలోనికి వచ్చుట, తండ్రి సోదరులకు కష్టము.

ఆగస్ట్: కుటుంబ సభ్యులంతా కలిసి  కలిసి ఆనందముగా సంబరము చేసుకుంటారు. తృతీయమున అనగా ఉపచయ స్థానమందు రాహు, బుధ, శుక్రులు, మిశ్రమ ఫలములనిత్తురు. స్థానచలన సూచన. గృహమున మరమత్తులునిర్మాణాది పనులు చేయుదురు.

సెప్టెంబర్: సర్వశుభములు. ఉపచయములందు రాహువు గురుడు షష్ఠ స్థానమగు వృశ్చిక స్థానమందు శనీ, కుజులు బ్రహ్మాండమైన యోగము నిచ్చెదరు. శరీరపోషణ, విందు వినోదాలు, సంతోషకర గృహ వాతావరణం, సంతానం వృద్ధిలోకి వచ్చుట.

అక్టోబర్: ధైర్యంగా సమస్యలను ఎదుర్కొంటారుఅదృష్టం కలసి వస్తుంది. కళత్ర ఆరోగ్యవిషయంలో జాగ్రత్త. తరచూ వైద్యులను సంప్రదించవలసి వస్తుంది. అయినా పరవాలేదుమీ సంతానం మీకు ఉపకారం చేస్తుంది.

నవంబర్:  దైవ సంబంధ కార్యాలలో పాలు పంచుకుంటారుసమాజ సేవ చేస్తారుఆధ్యాత్మిక భావము పెరుగుతుందిగృహ నిర్మాణ సంబంధ పనులు కలిసివస్తాయిఇతరుల సహాయం లభిస్తుంది.

డిసెంబర్:  ఆదాయము పెరుగుతుంది. ధైర్యముగా ఉంటారు. గృహము కొనుగోలు ప్రయత్నాలు  అనుకూలిస్తాయివిద్యార్థులు పరీక్షల్లో రాణిస్తారుఉన్నత విద్యావకాశాల కోసం చేసే ప్రయత్నం  ఫలిస్తుంది.

జనవరి:జనవరిలో మిశ్రమ ఫలితాలుంటాయిప్రారంభంలో అన్ని పనులలోను  విఫలమవుతారు. కళత్ర విషయమై వైద్య సహాయం పొందవలసి వస్తుంది. పనుల తొందర, వత్తిడి ఎక్కువగా ఉంటాయి. ధనం ఖర్చు అయ్యే అవకాశం ఎక్కువగా ఉంది.

ఫిబ్రవరి: కుటుంబ సభ్యుల ఆరోగ్యం కొంత మెరుగుపడుతుంది. అయితే అష్టమ రాశిలో రవి సంచారం అంత మంచిది కాదు. ప్రయాణములు, అలసట, శత్రు బాధలు అధికం. మనస్థాపం కలిగించే మాటలువినుట. మాసం ఉత్తరార్థంలో  అన్నీ కలిసి వస్తాయి.

 

మార్చి: వాహన విషయాల్లో జాగ్రత్త.మార్గావరోధములు ఏర్పడవచ్చు. నిరపరాధంగా ఇతరులచే తిట్లు తినవలసివస్తుంది. కుటుంబ విషయాలు ప్రోత్సాహకరముగా ఉంటాయి. మాసాంతంలో పుణ్యక్షేత్ర సందర్శనములు, దైవారాధనలు.