10.మకర రాశి ఫలితములు

ఉత్తరాషాఢ 2,3,4 పాదములు, శ్రవణం1,2,3,4 పాదములు,ధనిష్ఠ 1,2 పాదములు

            ఆదాయ - 8                      వ్యయం - 8

            రాజపూజ్యం - 7                అవమానం - 2

ఈ రాశివారికి 2016 ఆగస్ట్ 11 వరకు గురుడు 8ట సువర్ణమూర్తి, తదుపరి వత్సరమంతయును 9ట సువర్ణమూర్తి, శని సంవత్సరాది నుండి 2017 జనవరి 26 వరకు 11ట రజితమూర్తిగానూ, తదుపరి 12ట వత్సరమంతయు లోహమూర్తి, రాహువు 8, కేతువు 2ట రజితమూర్తులు.

          గురుని అష్టమరాశి సంచారముచే సంవత్సర ప్రారంభము నుండి ఆగస్ట్11 వరకు స్థాన చలనములు, ధననష్టం, ఆరోగ్యభంగం తదుపరి భాగ్యస్థాన సంచారముచే ఆయురారోగ్యములు, ధనలాభం, దైవదర్శనం, ధర్మకార్యాచరణ యందుఆసక్తి, శని లాభస్థాన సంచార కాలములో శుభకార్యాచరణములు, భూప్రాప్తి, అపూర్వ వస్తు సంగ్రహము ఉండును. వ్యయ సంచార కాలములో ధననష్టం, స్థానచలన సూచనలు, మానసిక విచారం, రాహువు అష్టమరాశి సంచార కాలములో మనోవ్యాకులం, స్తానచలన సూచనలు, ఆరోగ్యభంగము, మనోవ్యాకులము.

          కేతువు ధనస్థాన సంచారములో కుటుంబ కలహములు, ధననష్టము. ఈరాశివారలకు ప్రారంభంలో ఒడిదుడుకులు, నష్టములు చవిచూచినను ఆగస్ట్11 తదుపరి గురుబలము సంవత్సర ప్రారంభము నుండి 2017 జనవరి 26 వరకు శనిబలముచే విద్యార్థులు మంచి ఫలితములను సాధింతురు. వ్యవసాయదారులకు మొదటి పంట బాగుగా అనుకూలించును. రాజకీయ నాయకులకు మంచి కాలము. సంఘములో బాగుగా అనుకూలించును. రాజకీయ నాయకులకు మంచికాలము. సంఘములో ఉన్నతిని పొందుదురుఉపాధ్యాయులు పై అధికారుల ప్రశంసలను పొందుదురు.

తిల,తైల, యంత్ర, వ్యాపారులు లాభములను ఆర్జింతురు. పౌల్ట్రీ, మత్స్య, పాడి పరిశ్రమల వారు కృషితో అభివృద్ధిని సాధింతురు. కళాకారులు, క్రీడాకారులు సన్మానమును పొందెదరు. ఏరంగములో వ్యవహరించువారికైనను కాలము కలిసి వచ్చి ధనార్జన చేయుదురు. సమస్యలను ఒక కొలిక్కి తీసుకుని రాగలరు.

          యత్న కార్యసిద్ధి, శరీరసౌఖ్యము, ఆరోగ్యము కలుగును. తల్లికి మాతృవర్గము వారికి ఆనందము, సంతోషము, ధన ధాన్యములు అభివృద్ధి పొందుట, స్వబుద్ధిచే ఉపక్రమింపబడిన కార్యములు సిద్ధించుట కలుగును. ధైర్యము, మనోనిబ్బరము కలుగును. తగిన అవకాశమునకై చూచుచున్న పని సత్ఫలితము నీయగలదు. రాహు కేతువు దోషస్థాన సంచారము కొంత ధన  నష్టము , ఆరోగ్య భంగము.

          ఈ రాశివారికి అదృష్టసంఖ్య 8. 3,5,6,7,8 తేదీలు, సంఖ్యలు సోమ, మంగళ, శుక్ర వారములు కలిసిన యోగదాయకములు. ఈ దోషములు తొలగుటకు మేలు కలుగుటకు సుబ్రహ్మణ్య ఆరాధన, స్తోత్ర పారాయణ, పార్వతీ ఆరాధన, చండీ సప్తశతీ పారాయణలు  ఆచరించి శుక్రవార నియమాలు పాటించినా మేలు కలుగును.


 

నెలవారీ ఫలితములు

ఏప్రిల్: పూర్వార్థము అనుకూలం. తదుపరి స్వల్ప అనారోగ్యం, హృదయం సంకటం, ఇంటిలో చికాకులు, సుఖము లేకుండుట, భోజన సౌఖ్యము లేకుండుట, ప్రయాణము చెడుట, ధనలాభము, భూమి కొనుగోలు చేయుట వలన లాభము, ధైర్యము.

మే: యత్నకార్యసిద్ధి, శరీరసౌఖ్యము, ఆరోగ్యమును కలుగును, తల్లికి మాతృవర్గము వారికి ఆనందము, సంతోషము, ధన ధాన్యములు వృద్ధి పొందుట, స్వబుద్ధిచే  ఉపక్రమించబడిన కార్యములు సిద్ధించుట ఇవి కలుగును.

జూన్:  మనో చాంచల్యము, బుద్ధి భ్రంశము, పనులకు ఆటంకము, బంధువైరము. విద్యార్థులకు గణిత విషయమై ఆసక్తి పెరుగుతుంది. కష్టపడి చదివి సత్ఫలితాలను పొందుతారు. వ్యాపారస్తులకు ఆశించిన ఫలితములు. గాంభీర్యత పెరుగుతుంది.

జూలై: ప్రయత్నము మీద కార్యసాధన, సుఖ, సంతోషములు, వస్త్రాభరణ లాభముకొన్ని సమయములలో వ్యవహార ప్రతిబంధకములు ఉన్ననూ జయించుకుని రాగలరు. విద్యలచే వినోదపడుతూ సుఖించుట, పండిత గోష్టి మొదలగు ఫలితములు కలుగును.

ఆగస్ట్: అనేక రకముల వ్యాపారములపై లాభం ప్రారంభంలో వస్తుంది. తదుపరి లాభం సన్నగిల్లింది. ధాన్యం కమీషన్ వ్యాపారంలో  కలసివస్తుంది. ఇతరత్రా వృత్తులు, చేతివృత్తుల వారికి కలిసి వస్తాయి. ఇంట్లో ఇల్లు, పొరుగింట్లో పొల్లు చందంగా ఉంటారు. కళత్ర ఆరోగ్యం విషయమై శ్రద్ధ అవసరం.

సెప్టెంబర్: కొంత మేరకు ఆరోగ్య లోపము కలుగుతుంది. అయితే గురుబలము వలన సౌఖ్యాన్ని పొందుతారు. సంతానం  నుంచి  అభివృద్ధికి సంబంధించిన శుభపరిణామాలు మిమ్ములను ఆనందపరుస్తాయి. అదృష్టము కలిసివస్తుంది. ధనలాభము కలుగుతుంది.

అక్టోబర్: వ్యవహార ప్రతిబంధకాలు పెరుగుతాయి. అన్ని రకముల వృత్తుల వారికి బద్ధకము, అశ్రద్ధ పెరుగుతుంది. కుటుంబ వృద్ధి కుంటుపడుతుంది. ఎలక్ట్రానిక్స్ ఆటోమేటిక్ వస్తువుల అమ్మకం దార్లకు లాభిస్తుంది. ధన సంపాదన, తగిన ఖర్చులు.

నవంబర్: దైవ సహాయము లభిస్తుంది. ఆర్థికముగా రాణిస్తారు. కుటుంబ విషయాలలో కొంత నయముగా ఉంటుంది. ఉపాధికి అవకాశములు పెరుగుతాయి. అన్నిరంగాల వారు రాణిస్తారు.

డిసెంబర్: రైసుమిల్లు, ధాన్యం కమీషన్ వ్యాపారులు కాకులను కొట్టి గ్రద్దలకు వేయవలసి వస్తుంది. పట్టుదలతో కార్యసాధన. అలంకార, కాస్మటిక్స్, సబ్బులు, మొదలగు వ్యాపారులకు ఆదాయం బాగుంటుంది.ఉద్యోగోన్నతి, మిత్రుల సహకారం.

జనవరి: ధాన్యమూలక ఆదాయం వస్తుంది. వీరు భూములకు సంబంధించిన మార్పులు, వ్యవసాయము కలసి వస్తుంది. భూముల క్రయ విక్రయముల వలన  లాభపడతారు. గ్రహస్థితి, గురుబలము బాగుంది. చేతినిండా ధనం ఉంటుంది.

ఫిబ్రవరి: ఇతరులచే చాకచక్యముగా పనిచేయించగలరు. కార్యభారాన్ని మోయగలరు. వ్యవహార ప్రతిబంధకములు.ధనవ్యయము, వత్తిడిని  అధిగమించగలుగుతారు. భూ గృహ సంబంధిత ఆదాయం. బాకీలు వసూలు, ఫైనాన్స్ వ్యాపారం కలసి వస్తుంది.

మార్చి: స్వల్ప అనారోగ్యము. మీ వాహనములు చోరుల పాలు అగుటకు అవకాశము. కొన్ని విషయాలలో మొండితనం వల్ల సమస్యలు. మానసిక క్షోభ కాముకత్వంధనవ్యయము అగును.